मेला संचालन गर्न दिएकोमा उद्योग बाणिज्य संघको विरोध, विगतको सहमति कार्यान्वयन गर्न पालिकालाई आग्रह

कावासोती

कावासोती नगरपालिकाले विधानमा उल्लेखीत उदेश्य विपरितका संघ संस्थालाई मेला सञ्चालनको लागि दिएको अनुमति दिएकोमा नवलपुर उद्योग बाणिज्य संघले गम्भीर ध्यानाकर्षण भएको जनाएको छ ।

नवलपुर उद्योग बाणिज्य संघका अध्यक्ष बैकुण्ठ प्रसाद अर्यालद्वारा जारी बिज्ञप्तीमा कावासोती नगरपालिका र नवलपुर उद्योग बाणिज्य संघ बिच पटक पटक छलफल भएको र यही भाद्र २६ गते प्रमुख प्रशासकिय अधिकृतलाई ध्यानाकर्षण पत्र बुझाउँदा पनि बेवास्ता गर्दै आयोजक संस्थाको विधानको उद्देश्य विपरित पालिका भित्र मेला/महोत्सव सञ्चालन गर्न अनुमति  दिएकोमा नवलपुर उद्योग बाणिज्य संघको गम्भीर ध्यानाकर्षण भएको जनाएको छ ।

विज्ञप्तिमा यस अघि पनि नगरपालिकाले अन्य संघ/संस्थालाईहरु मेला/महोत्सव सञ्चालन गर्न सिफारीस दिएको समेत स्मराण गराएको छ  । तर स्थानिय कला, संस्कृति, उत्पादनका लागि भने उद्योग बाणिज्य संघले अपनत्व लिदै केही दिनका लागि सहकार्य गर्न सकिने समेत जनाएको छ । त्यस्ता कार्यक्रम आयोजना गर्दा बहुराष्ट्रिय, राष्ट्रिय फर्महरु र बाल उद्यान भने संचालन गर्न दिन नसकिने विज्ञप्ती मार्फत जनाएको छ । पर्यटन तथा उद्योग कार्यालय तथा  कम्पनी रजिष्ट्रार कार्यालयमा दर्ता भएका व्यवसायिक फर्महरूले मेला, महोत्सव सञ्चालन गर्न नपाईने व्यवस्था रहेको जानकारी गराएको छ ।  

बिज्ञप्तीमा स्थानिय व्यावसायिक प्रवर्द्धनका लागि आफ्नो कार्यक्षेत्र भित्र रहेका बस्तुगत संघहरुलाई चाडपर्व लक्षित कार्यक्रमहरु मोबाईल मेला, सडक खाना महोत्सव, सांस्कृतिक कार्यक्रम, खेलकुद महोत्सव आग्रह पनि गरेको छ ।

नवलपुर उद्योग बाणिज्य संघ र कावासोती नगरपालिका बिच यस अघि भएका लिखित/अलिखित सहमति कार्यान्वयन गर्न  पालिकालाई स्मरणका साथ अनुरोध गरेको छ ।