पूर्व उपाध्यक्ष चिरन्जीवी निधि तिवारीको निधनमा महासंघद्वारा श्रद्धाञ्जली सहित शोक प्रस्ताव पारित (२०७३/१०/२६)

वि.सं. २००१ मंसिर २२ मा काठमाडौंको कमलपोखरीमा जन्मनु भएका स्वर्गीय तिवारी लामो समयदेखि क्यान्सर रोगबाट ग्रसित हुनुहुन्थ्यो । पछिल्लो समय क्यान्सर रोगको अपरेशन पश्चात आराम गरिरहनु भएका उपाध्यक्ष तिवारीलाई गत १९ गते एक्कासी छातीमा समस्या आएपछि उपचारका लागि हरिसिद्धि स्थित क्यान्सर अस्पतालमा पु¥याइएको थियो । उहाँको सोही दिन उपचारको क्रममा निधन भएको थियो । उहाँ ७३ वर्षको हुनुहुन्थ्यो । स्वर्गीय तिवारीका श्रीमती, दुई छोरा र दुई छोरीहरु हुनुहुन्छ ।

महासंघमा वि.सं. २०४७ देखि ५२ सम्म दुई कार्यकाल कार्यकारिणी समिति सदस्य र वि.सं. २०५२ देखि ५४ सम्म द्वितिय उपाध्यक्ष्ँमा रहेर महासंघको विकासका साथै महासंघलाई आजको स्थितिमा पुर्याउन उहांले उल्लेखनीय योगदान गर्नु भएको थियो । हठी स्वभावका स्वर्गीय तिवारी व्यवसायीका समस्या एवं निजी क्षेत्रका आवाजलाई सशक्त ढंगमा उठाउन सक्ने व्यसायीका रुपमा चिनिनुहुन्थ्यो । व्यवसायीहरुको हक हित लागि उहाँ निरन्तर रुपमा लागिरहनुहुन्थ्यो । निजी क्षेत्रलाई निरन्तर रुपमा अघि बढाउँदै राष्ट्र विकासमा योगदान पुर्याउनुपर्छ भन्ने सोच उहाँमा प्रवल थियो । महासंघको भूमिकालाई स्थापित गर्न उहांले पुर्याउनु भएको योगदानलाई नेपाली निजी क्षेत्रले उच्च मूल्यांकन गरेको छ । उहांको निधनबाट महासंघ लगायत सिंगो निजी क्षेत्रलाई अपुरणीय क्षति पुग्न गएको छ ।

शोक प्रस्तावमा उल्लेख छ-स्वर्र्गीय तिवारी एक उद्यमी व्यवसायी, मात्र नभई अत्यन्त इमान्दार, विवेकशिल, कर्तव्यनिष्ठ र स्पष्ट वक्ता हुनुहुन्थ्यो । उहांको निधनबाट राष्ट्रले एक होनाहार उद्योगी व्यवसायी गुमाउनु परेको छ । यस दुःखद घडीमा महासंघ परिवार तथा सम्पूर्ण निजी क्षेत्रको तर्फबाट स्वर्गीय तिवारीको शोक सन्तप्त परिवार प्रति हार्दिक समवेदना प्रकट गर्दै दिवंगत आत्माको चीर शान्तिका लागि श्री परमेश्वरसंग प्रार्थना गर्दछ ।

शोक सभामा स्वर्गीय तिवारीको सम्झनामा एक मिनेट मौन धारण समेत गरिएको थियो । शोक सभामा महासंघका पदाधिकारीहरु, कार्यकारिणी समितिका सदस्यहरु, उद्यमी व्यवसायीहरुको समेत उपस्थिति थियो ।