»
Home
»
Introduction
»
Activities
»
»
»
»
International Links
»
Tax Structures
»
Economic Indicators
»
General Information
»
Business Code of Conduct
»
Publications
»
Photo Gallery
»
Secretariat
»
Downloads
»
Partner's Links
»
Membership
»
Keyword
Category

















Press Release
  
महासंघका पूर्व अध्यक्ष श्रेष्ठ क्याशी बैठकमा सहभागी (२०७२/१२/१६)
 2016-03-30 12:51:00
  
ताइवानमा आजदेखि भैरहेको एशिया प्रशान्त क्षेत्रका उद्योग वाणिज्य महासंघहरुको सर्वोच्च संस्था एशिया प्याशिफिक चेम्वर अफ कमर्स (Asia-Pacific Chambers of Commerce & Industry - CACCI) को योजना समितिको बैठकमा नेपाल उद्योग वाणिज्य महासंघका पूर्व अध्यक्ष एवं क्याशीका उपाध्यक्ष प्रदीपकुमार श्रेष्ठले भाग लिइरहनु भएको छ ।

पूर्व अध्यक्ष श्रेष्ठ उक्त बैठकमा भाग लिन आइतवार त्यसतर्फ प्रस्थान गर्नु भएको हो । बैठकमा क्याशीको आगामी नोभेम्वरमा ताइपेइमा हुने ३० औं सम्मेलनको तयारीका विषयमा छलफल हुने कार्यक्रम छ । एशिया प्रशान्तका निजी क्षेत्रको प्रतिनिधि संस्था क्याशीको नेपाल उद्योग वाणिज्य महासंघ सक्रिय सदस्यको रुपमा रहि आएको छ ।


 
  
नेउवामहासंघ र सैनिक अधिकृत बीच मुलुकको अर्थतन्त्र र उद्योग व्यवसायका सम्बन्धमा अन्तरक्रिया (२०७२/१२/१६)
 2016-03-30 12:44:20
  

Army

नेपाल उद्योग वाणिज्य महासंघ र नेपाली सेनाका सैनिक अधिकृतहरु बीच आज महासंघ सचिवालय, टेकूमा उद्योग व्यवसायको विकासमा निजी क्षेत्रको भूमिका विषयक अन्तरक्रिया कार्यक्रम सम्पन्न भयो । नेपाली सेनाले प्रत्येक वर्ष सेनाका अधिकृतहरुका लागि निजी क्षेत्रको प्रतिनिधिमूलक संस्था महासंघसँग यस प्रकारको अन्तरक्रिया कार्यक्रम आयोजना गर्दै आएको छ ।

उक्त अवसरमा सैनिक अधिकृतहरुलाई सम्वोधन गर्नुहुंदै महासंघका उपाध्यक्ष दिनेश श्रेष्ठले मुलुकभित्र शान्ति सुरक्षाको वहाली सहित मुलुक निर्माणमा नेपाली सेनाले निर्वाह गरेको भूमिकाको प्रशंसा गर्नुहुंदै मुलुकको आर्थिक विकासमा महासंघले गर्दै आएका प्रयासहरु वारे जानकारी गराउनु भयो । केही महत्वपूर्ण विकास निर्माणका कामहरु जस्तो उर्जा विकास लगायतमा नेपाली सेनासंग सहकार्य गरेर जान सकिने सम्भावना उहांले औल्याउनु भयो । उपाध्यक्ष श्रेष्ठले नेपाली सेनाका अधिकृतहरुलाई मुलुकको निर्माण, पूँजी परिचालन एवं रोजगारी प्रवद्र्धनमा निजी क्षेत्रको महत्व र भूमिकाका विषयमा जानकारी गराउन पाएकोमा खुशी प्रकट गर्नुभयो ।

Army

महासंघको घरेलु तथा साना उद्योग समितिका सभापति शंकर श्रेष्ठले यस कार्यक्रमबाट नेपालको आर्थिक वस्तुस्थिति एवं महासंघका गतिविधिसंग नजिकबाट जानकारी आदान प्रदानमा सघाउ पुग्नुको साथै आपसी सहकार्यमा समेत सहयोग पुग्ने विश्वास प्रकट गर्नुभयो । कार्यक्रमको प्रारम्भमा महासंघका महानिर्देशक धरणीधर खतिवडाले विषय प्रवेश गराउनु भएको थियो ।

सो अवसरमा महासंघका निर्देशक हंसराम पाण्डेले सेना र निजी क्षेत्र बीच आपसी विश्वास र सम्बन्ध सुदृढ पार्न यस प्रकारका कार्यक्रमहरु महत्वपूर्ण हुने बताउनु भयो । सो अवसरमा निर्देशक पाण्डेले महासंघ र यसको भूमिका वारे विस्तृत प्रस्तुतीकरण गर्नु भएको थियो ।

सो अवसरमा सहायक रथी समिर शाहीले वदलिंदो अवस्थामा सैनिक अधिकृतहरुलाई उद्योग व्यवसाय लगायत वहुपक्षिय विषयमा जानकारी दिन आवश्यक महशुस गरि महासंघसंग यस प्रकारको कार्यक्रम आयोजना गर्दै आएको र कार्यक्रम उपलव्धीमुलक समेत भएको हुंदा भविष्यमा पनि यस प्रकारका कार्यक्रमलाई निरन्तरता दिइने बताउनु भयो ।

उक्त कार्यक्रममा सैनिक अधिकृतहरुले नेपाली अर्थतन्त्रको विद्यमान अवस्था, उद्योग व्यवसायको विकासमा महासंघको भूमिका, राजश्व, वैकिङ, उर्जा विकास, व्यवसायिक कृषि, पारवहन सम्झौता, वातावरण, सिण्डिकेट, कार्टेलिङ, कालोवजारी, वैदेशिक लगानी, श्रम लगायतका विषयमा जिज्ञासाहरु राखेका थिए ।

थप फोटोको लागि यहाँ क्लिक गर्नु होला ।


 
  
प्रधानमन्त्रीको चीनको औपचारिक भ्रमणमा महासंघको प्रतिनिधिमण्डलः चिनियां निजी क्षेत्रद्वारा आयोजित बैठकलाई महासंघका अध्यक्षबाट संवोधन, नेपाललाई यतिखेर लगानी गरि सहयोग गर्न आग्रह (२०७२/१२/९)
 2016-03-22 02:00:50
  
प्रधानमन्त्री केपी शर्मा ओलीबाट चैत्र ७ गतेदेखि भैरहेको मित्रराष्ट्र चीनको साताव्यापी औपचारिक भ्रमणमा महासंघका अध्यक्ष पशुपति मुरारकाको नेतृत्वमा महासंघको प्रतिनिधिमण्डल पनि सहभागी भएको छ । महासंघको प्रनिधिमिण्डलका अन्य सदस्यहरुमा नेपाल चीन गैर सरकारी सहयोगका मंचका संयोजक एवं महासंघका पूर्व अध्यक्ष रविभक्त श्रेष्ठ, महासंघका विशिष्ट सदस्य एवं पूर्व अध्यक्ष कुशकुमार जोशी, सार्क उद्योग वाणिज्य संघका अध्यक्ष एव महासंघका निवर्तमान अध्यक्ष सुरज वैद्य, महासंघको कार्यकारिणी समितिका सदस्यहरु चन्द्र प्रसाद ढकाल, ज्ञानेन्द्र लाल प्रधान, ज्योत्सना श्रेष्ठ सहित हुनुहुन्छ ।

आज अन्तर्राष्ट्रिय व्यापार प्रवद्र्धनका लागि चिनिया परिषद (China Council for the Promotion of International Trade-CCPIT) द्वारा, चीनको राजधानी वेइजिङमा आयोजित बैठकमा सम्माननीय प्रधानमन्त्रीका साथ महासंघका अध्यक्ष सहितको प्रतिनिधिमण्डल पनि सहभागी रह्यो ।

सम्माननीय प्रधानमन्त्री प्रमुख अतिथि रहनु भएको उक्त बैठकलाई महासंघका अध्यक्ष एवं महासंघको प्रतिनिधिमण्डलका नेता मुरारकाले समेत संवोधन गर्नुभयो ।

मन्त्रीहरु, राजदुतहरु, दुवै देशका उच्च पदस्थ सरकारी अतिविशिष्ट व्यक्तिहरु, भ्रमणदलका सदस्यहरु, सीसीपीआइटीका अधिकारीहरु, नेपाली व्यवसायीक नेताहरु, चिनियां उद्यमी व्यवसायीहरुको वक्लो उपस्थिति रहेको उक्त बैठकलाई संवोधन गर्नुहुंदै अध्यक्ष मुरारकाले गत अप्रिलमा गएको विनासकारी भुकम्पको पिडाबाट छटपटाई रहेका नेपाली जनतालाई मित्र राष्ट्र चीन सरकार तथा त्यहांका जनताबाट पाएको मानवीय सहयोग एवं एकताका लागि नेपाली निजी क्षेत्रका तर्फबाट हार्दिक धन्यवाद दिनु भयो ।

संवोधनका क्रममा अध्यक्ष मुरारकाले भन्नु भयो - चीन सरकारले अगाडी सारेको एक क्षेत्र एक सडक ९इलभ द्यभति इलभ च्यबम० परिकल्पनामा नेपाल एक हिस्सा हुन पाएकोमा दुई देश बीचको ऐतिहासिक दौत्य सम्बन्ध तथा आर्थिक सम्बन्धले थप उचाई लिनेमा म पूर्णरुपमा विश्वस्त छु । साथै शील्करोड इकोनोमिक वेल्टको प्रवद्र्धनबाट हाम्रा आपसी व्यवसायिक सम्बन्ध अझ बढी परिणाममुखी हुने हाम्रो विश्वास छ ।

यसबाट सांच्चिकै नेपाल, चीन तथा दक्षिण एशियाकै व्यवसायिक पारवहन विन्दूको रुपमा रुपान्तरण हुने विश्वास व्यक्त गर्नुहुंदै अध्यक्षले नेपाल र चीन बीच विशेष आर्थिक मार्गको शुभारम्भ तथा त्यसको आधुनिकीकरणबाट दुवै देशका जनताका साथै समग्रमा यो क्षेत्रनै लाभान्वित हुने बताउनु भयो ।

आफ्नो मन्तव्यका क्रममा उहांले भन्नु भयो - मित्रराष्ट्र चीन नेपालको प्रमुख व्यापारिक साझेदार पनि हो । तर नेपालको चीनसंगको व्यापार घाटा निकै उच्च रहेको कुरामा हामी सवै जानकार छौं । आर्थिक वर्ष सन् २०१४-१५ को व्यापार घाटा करिव ९९० मिलियन अमेरिकी डलर रहेको थियो । उक्त आर्थिक वर्षमा नेपालले चीन तर्फ करिव २३.७ मिलियन अमेरिकी डलरको वस्तु तथा सामानहरु निर्यात गरेको थियो भने चीनबाट करिव १०१३.७ मिलियन अमेरिकी डलरको वस्तु तथा सामानहरु आयात गरेको थियो ।

मित्र राष्ट्र चीन सरकारले करिव ८ हजार नेपाली उत्पादनहरुलाई दिएको शुन्य भंसार महशुलको सुविधाप्रति चिनिया सरकारमा आभार प्रकट गर्नुहुंदै अध्यक्षले चीन सरकारले उपलव्ध गराएको यस सुविधाबाट नेपाली उत्पादनहरुको चीनमा निर्यात प्रवद्र्धन तथा व्यापार अभिवृद्धिमा भरपुर उपयोग गरी व्यापार घाटा कम गर्ने महत्वपूर्ण औजार बन्नु पर्ने धारणा राख्नु भयो । बढ्दो व्यापार घाटा कम गर्न तथा नेपाली वस्तुहरुको चीनमा निर्यात बढाउनका लागि हामी चिनियां लगानीकर्ताहरुलाई नेपालमा वस्तु तथा सेवा उत्पादन गरि त्यसलाई चीन तथा दक्षिण एशियाको वजारमा निर्यात गर्न आव्हान गर्नुहुंदै अध्यक्षले यति वेला नेपाल आर्थिक रुपमा अत्यन्त कमजोर रहेको र नीतिगत रुपमा वाह्य लगानीका लागि अत्यन्त सहज वातावरण भएकाले नेपालमा लगानी गरि नेपालको आर्थिक विकासमा सहयोग गर्न चिनिया निजी क्षेत्रलाई विशेष आग्रह समेत गर्नुभयो ।

अध्यक्ष मुरारकाले दिनु भएको संवोधनको अग्रेजी एवं नेपाली भाषणको पूर्णपाठ यसैसाथ संलग्न छ ।

चीनमा रहंदा महासंघको प्रतिनिधिमण्डल प्रधानमन्त्रीको औपचारिक कार्यक्रममा सरिक हुनुको साथै केही व्यवसायिक भेटघाटमा समेत सहभागी हुनेछ । प्रधानमन्त्रीको साथमा निजी क्षेत्रको समेत सहभागिताबाट नेपालमा चिनियां आर्थिक एवं व्यवसायिक सम्बन्ध तथा थप संयुक्त लगानी विस्तारमा समेत सहयोग पुग्ने विश्वास महासंघको रहेको छ ।

नेउवामहासंघका अध्यक्षबाट दिनु भएको नेपाली भाषण
नेउवामहासंघका अध्यक्षबाट दिनु भएको अंग्रेजी भाषण


 
  
अर्को वर्षको मेलाको तिथि घोषणा गर्दै नेपाल अन्तर्राष्ट्रिय व्यापार मेला - २०१६ सम्पन्न करिव डेढ लाखबाट अवलोकन (२०७२/१२/८)
 2016-03-21 12:03:07
  
अर्को वर्षको फागुन २४ देखि २८ गते (March 7-11, 2017) मेलाको तिथि घोषणा गर्दै नेपाल अन्तर्राष्ट्रिय व्यापार मेला - २०७२ (Nepal International Trade Fair-2016) आज सम्पन्न भयो । नेपाल उद्योग वाणिज्य महासंघद्वारा नेपाल सरकार/वाणिज्य मन्त्रालय, व्यापार तथा निकासी प्रवर्द्धन केन्द्रको सहयोगमा क्यालेन्डर इभेन्टको रुपमा मेला आयोजना हुंदै आएको छ । यस पटकको मेला पांचौ संस्करण हो । मेलाको सहआयोजकमा महासंघको सदस्य नेपाल हस्तकला महासंघ र नेपाल जडीवूटी उत्पादक संघ रहेका थिए ।

NITF 2016

NITF 2016

मेलामा प्रत्यक्ष रुपमा करिव १० करोडको कारोवार भएको अनुमान गरिएको छ भने अप्रत्यक्षरुपमा खासगरि चीन तथा भारतका कम्पनीहरुले नेपालमा व्यवसायिक सम्बन्ध स्थापना गरेको अनुमान गरिएको छ ।

सम्माननीय राष्ट्रपतिज्यूबाट समुद्घाटन भएको मेलाको करिव डेढ लाखले अवलोकन गरेका थिए । मेलामा नेपाल एकिकृत व्यापार रणनीति अन्तरगतका उत्पादनहरु र नेपाली जडीवूटीका स्टलहरुमा भ्रमण गर्नेहरुको संख्या अत्याधिक रह्यो ।

मेलाको सम्माननीय राष्ट्रपतिज्यू, माननीय मन्त्रीज्यूहरु, माननीय सभासद्ज्यूहरु, नेपाल सरकारका उच्चपदस्थ अधिकारीहरु, नेपालमा लागि भारतीय राजदुत, नेपालका लागि बंगलादेशका राजदुत, उद्यमी व्यवसायीहरु, स्वदेशी एवं विदेशी अवलोकनकर्ताहरुले मेलाको अवलोकन गर्नु भएको थियो । मेलामा अवलोकनकर्ताहरुले निकै अभिरुचीपूर्वक मेलाको अवलोकन गरेका थिए । जम्मा ३५० वटा स्टलहरु मार्फत भारत, चीन, पाकिस्तान, वंगलादेशका उत्पादन तथा सेवाहरु प्रदर्शनी गरिएको थियो । मेलामा भारतबाट ७० वटा, चीनको ९० वटा, पाकिस्तानको २० वटा, वंगलादेशको ५ वटा स्टलहरु र वांकी नेपाली स्टलहरु रहेका थिए ।

मेलामा हस्तकला, पर्यटन, सूचना प्रविधि, कृषि उत्पादन, उर्जा, भवन तथा निर्माण, शिक्षा, औषधिजन्य, फलाम तथा स्टीलका छुट्टाछुट्टै स्टलहरु रहेका थिए । त्यसैगरि मेलामा तयारी पोशाक, छाला तथा छालाजन्य उत्पादनहरु, नयाँ प्रविधि तथा उपकरणहरु, खाद्यान्न, फर्निचर, फेसन वेयर, होम डेकोर, सेवा क्षेत्रका विविध स्टलहरु मेलाका आकर्षण रहे ।

NITF 2016

मेलाको अफिसियल इन्स्योरेन्समा प्रिमियर इन्स्योरेन्स, अफिसियल कार्गोमा गणेश एयर कार्गो, अफिसियल आइएसपी प्रोभाइडरमा मर्कटायल प्रा.लि., मेलाका सहयोगीहरुमा आइसीसी, China Exhibition and Forum Private Limited, अर्घाखांची सिमेन्ट, प्रान रहेका छन् भने इभेन्ट म्यानेजमेन्टमा राइजइभेन्ट तथा मेडिया सहयोगीमा माइण्ड स्पेश रहेको थियो ।

मेलामा China Exhibition and Forum Private Limited र Indian Chambers of Commerce ले आ-आफ्नो देशको नेतृत्व गरेका थिए । मेलाको अवलोकनका लागि चीनको सिचुवानबाट २० सदस्यीय चिनिया उद्यमी व्यवसायी प्रतिनिधिमण्डल समेत नेपाल आएको थियो ।

NITF 2016

महासंघले मेला आयोजना गर्न सहयोग गर्ने नेपाल सरकार, वाणिज्य मन्त्रालय, व्यापार तथा निकासी प्रवर्द्धन केन्द्रलाई विशेष धन्यवाद दिएको छ । त्यसैगरि सह-आयोजक भई सहयोग गर्ने नेपाल जडीवूटी उत्पादक संघ, नेपाल हस्तकला महासंघलाई धन्यवाद दिएको छ । त्यसैगरि महासंघले मेलालाई सफलतापूर्वक आयोजना गर्न सघाउने मित्र राष्ट्रहरु भारत, चीन, पाकिस्तान र वंगलादेश सरकार तथा नेपालस्थित राजदुतावासहरुलाई धन्यवाद दिएको छ । त्यसैगरि मेला आयोजना गर्न प्रत्यक्ष अप्रत्यक्ष सघाउने समाज कल्याण परिषद भृकटीमण्डप सहित विभिन्न संघ संस्था, संचार माध्यमहरुलाई धन्यवाद दिएको छ ।


 
  
नेपाल अन्तर्राष्ट्रिय व्यापार मेला२०७२ः पचास हजारबाट अवलोकन, एनटीआईएस र जडीवूटीका स्टलहरुविशेष आकर्षण (मिति २०७२/१२/६)
 2016-03-20 12:16:32
  
नेपाल अन्तर्राष्ट्रिय व्यापार मेला २०७२ (Nepal International Trade Fair-2016) को आज तेस्रो दिन करिव पचास हजारले अवलोकन गरेका छन् । नेपाली स्टलहरुमा रहेका एनटीआईएस, एकगाउं एक उत्पादन, जडीवूटीका स्टलहरुमा अवलोकन गर्नेहरुको अत्याधिक भिड रह्यो । त्यसैगरि चिनिया, भारतीय तथा पाकिस्तानी स्टलहरुमा पनि त्यतिकै भीड थियो ।

NITF 2016

सम्माननीय राष्ट्रपतिज्यूबाट चैत्र ४ गते समुद्घाटन सुसम्पन्न भएको मेला अव दुई दिनसम्म चल्ने छ । मेलाको सरकारी विशिष्ट अधिकारीहरु, महासंघका पदाधिकारीहरुले अवलोकन गर्नु भयो । मेलामा चिनियां मेशिनरी स्टलहरुमा नेपाली अवलोकनकर्ताहरुले अभिरुचीपूर्वक अवलोकन गरेका थिए । विशेषगरि कुटानी पिसानी मेशिनहरु अवलोकन, व्यवसायिक सम्बन्ध विस्तारमा नेपाली व्यवसायीहरुको चासो थियो ।

चाइनिज स्टलहरुमा वस्तुभन्दा पनि व्यवसायिक सम्बन्ध स्थापनामा विशेष जोड दिइयो । चिनिया व्यवसायीहरु अआफ्ना कम्पनीका तर्फबाट नेपालमा डिलर खोज्नमा नै व्यस्त रहेको पाइयो । भने कतिपय भारतीय कम्पनीहरुले पनि नेपालमा आफ्ना उत्पादनका लागि डिलर खोजीरहेको पाइयो ।

NITF 2016

मेलामा अवलोकन गर्न आउनेहरुका अधिकांशको भनाईमा नेपाली उत्पादनहरु विशेष गरि एक गाउं एक उत्पादनका वस्तुहरु गुणस्तरीय रहेको पाइयो । अवलोकनकर्ताहरु नेपाली जडीबूटीबाट तयार भएका वस्तुहरुको खरिद विक्री पनि निकै उत्साहित रहेको पाइयो ।

अव वांकी दुई दिनमा पनि मेला अवलोकन गर्न आउनेहरुको संख्या उल्लेख्य हुने महासंघको विश्वास रहेको छ । मेलाको प्रचार प्रसारका लागि संचार माध्यमहरुबाट पाएको सहयोगप्रति महासंघ अत्यन्त उत्साहित भएको छ ।

प्रत्यक्ष वस्तुखरिद विक्रीभन्दा पनि मेला आफ्नो उद्देश्य अनुरुप व्यवसायिक सम्बन्ध स्थापनामा निकै सफलता नजिक रहेको महासंघका अध्यक्ष पशुपति मुरारका वताउनु हुन्छ । अत्यन्त कमजोर पूर्वाधारमा पनि महासंघले आयोजना गरेको यो मेलाले पाउंदै गएको उचाई निकै संतोष जनक रहेको भनाई उहांको छ ।

महासंघका वरिष्ठ उपाध्यक्ष भवानी राणा आर्थिक क्रान्ति अगाडी बढाउन सरकारले यस्ता मेलाको आयोजनामा निजी क्षेत्रलाई प्रोत्साहन गर्नुपर्ने, साथै वलियो पूर्वाधार तयार गरिदिनुपर्ने सुझाव दिनुहुन्छ ।

महासंघका उपाध्यक्ष किशोर प्रधान मेलाले नेपाली उत्पादनको गुणस्तर सुधार तथा वाह्य प्रविधि भित्रयाउन कामयावी हुने विश्वास व्यक्त गर्नु हुन्छ ।

महासंघका अर्का उपाध्यक्ष दिनेश श्रेष्ठ नेपाली जनताको आर्थिक जीवनस्तर सुधार गर्न, आर्थिक क्रियाकलाप बढाउन तथा स्वदेशी उत्पादनको प्रवद्र्धन गर्न मेला महोत्सवको आयोजनालाई विशेष रणनीतिका साथ अगाडी बढाउनुपर्ने सुझाव दिनु हुन्छ ।

नेपाल उद्योग वाणिज्य महासंघद्वारा नेपाल सरकार/वाणिज्य मन्त्रालय, व्यापार तथा निकासी प्रवद्र्धन केन्द्रको सहयोगमा क्यालेन्डर इभेन्टको रुपमा मेला आयोजना भएको हो । यो पांचौ संस्करण हो । मेलाको सहआयोजकमा महासंघको सदस्य नेपाल हस्तकला महासंघ र नेपाल जडीवूटी उत्पादक संघ रहेका छन् ।

NITF 2016

मेलामा स्वदेशी एवं विदेशी गरि ३५० वटा स्टलहरु रहने छन् । मेलामा आयोजक राष्ट्र नेपाल सहित भारत, चीन, पाकिस्तान, वंगलादेशको प्रत्यक्ष सहभागिता रहनेको छ । मेलामा भारतबाट ७० वटा, चीनको ९० वटा, पाकिस्तानको २० वटा, वंगलादेशको ५ वटा स्टलहरु र वांकी नेपाली स्टलहरु रहेका छन् ।

मेलामा हस्तकला, पर्यटन, सूचना प्रविधि, कृषि उत्पादन, उर्जा, भवन तथा निर्माण, शिक्षा, औषधिजन्य, फलाम तथा स्टीलका छुटछुट्टै स्टलहरु रहेका छन् । त्यसैगरि मेलामा तयारी पोशाक, छाला तथा छालाजन्य उत्पादनहरु, नयां प्रविधि तथा उपकरणहरु, खाद्यान्न, फर्निचर, फेसन वेयर, होम डेकोर, सेवा क्षेत्रका विविध स्टलहरु मेलाका आकर्षण रहेका छन् ।

मेलाको अफिसियल इन्स्योरेन्समा प्रिमियर इन्स्योरेन्स, अफिसियल कार्गोमा गणेश एयर कार्गो, अफिसियल आइएसपी प्रोभाइडरमा मर्कटायल प्रा.लि., मेलाका सहयोगीहरुमा आइसीसी, China Exhibition and Forum Private Limited,, अर्घाखांची सिमेन्ट,प्रान रहेका छन् भने इभेन्ट म्यानेजमेन्टमा राइजइभेन्ट रहेको छ ।

मेलामा जापान, कोरिया, थाइल्याण्ड लगायतका देशहरुबाट खरिदकर्ताहरुले अवलोकन गर्ने कार्यक्रम छ । मेलामा China Exhibition and Forum Private Limitedर Indian Chambers of Commerceले आआफ्नो देशको नेतृत्व गर्नेछन् । मेलाको अवलोकनका लागि चीनको सिचुवानबाट २० सदस्यीय चिनिया उद्यमी व्यवसायी प्रतिनिधिमण्डल नेपाल आएको छ ।

महासंघले यसलाई अन्तराष्ट्रिय रुपमा ब्राण्डिङ समेत गरिरहेको छ । महासंघले मेलालाई स्वदेशी एवं विदेशी exhibitors बीच व्यवसायिक सम्बन्ध विस्तार गर्ने महत्वपूर्ण event को रुपमा विकास गरिरहेको छ ।

थप फोटोको लागि यहाँ क्लिक गर्नु होला ।


 
 
 
1 2 3 4 5 6 7 8 9 10 11 12 13 14 15 16 17 18 19 20 
 
 



 © Copyright 2005-2016. All Rights Reserved. FNCCI.
Best Viewed in 1024 x 768.
Designed and Maintained by Intellisoft Nepal